Эрүүл мэнд

Эрүүл мэндийн хөтөлбөрийн зорилго нь Монголын эрүүл мэндийн салбарын үйлчилгээг ЛГБТИК+ хүмүүст ээлтэй, хүртээмжтэй болгох, эрүүл мэндийн орчин дахь ялгаварлан гадуурхалтыг арилгах, ЛГБТИК+ олон нийтдээ эрүүл мэндийн мэдлэг олгох мөн ЛГБТИК+ хүмүүсийн онцлог хэрэгцээнд нийцсэн эмчилгээ үйлчилгээг эрүүл мэндийн байж болох дээд жишгээр авах эрхээ эдлэх боломжийг бүрдүүлэхэд оршино. Тус зорилгынхоо хүрээнд Эрүүл мэндийн хөтөлбөр нь ЛГБТИК+ хүмүүсийн нөхцөл байдал болон тулгарч буй асуудлуудыг мэргэжлийн байгууллагуудтай хамтран судалгаа хийх, түүнийхээ үр дүнд тулгуурлан эрүүл мэндийн салбарын бүх түвшинд ЛГБТИК+ хүмүүстэй ажиллах соёлын болон техникийн чадамж үүсгэхийн төлөө ажилладаг.